Wednesday, April 20, 2011

Depi mo lizier cinik/le mauricien 19.04.11

Reflexion


Depi mo lizier cynik…


Ban la apel sa politik
Kot to bisin fort dans fer coustik
Accepter gagne titre comik
Telman ena fois to archaique
Lindi to prend ban airs mistik
To denonce dan Maurice tous ban malefik
Ban voler, accaparer, corrompus ek sadik
Mardi matin ban financiers ki pna sens civic
Lor telephone pik toi kuma moustik
Dir toi " Pas essay al declar sympatik "
" Dan to parti mem tone soutir tas diabolik "
" Pou nou ena ene sel ord economik "
" Pas bisin al bouskil sa, nec faire critik "
" Ler ban la pose toi questions caustik "
" Nec declare amnesik "
" Ou rode ene plas dan to clinique "
" Si to pas resi, nec invok ene clause juridik "
Mercredi to dan ene forme olympique
Tone gagne ene cheque avec ene som astronomik
Pou montrer toi concilliant ek garde ene relation idyllik
Avec ban lobbies ek certains clik
Jeudi to realiser ki sitiation bordelik
Morisyen p tourne en bourik
Li plorer sak fois li al la boutik
Ban prix ti siposer baisser in rest statik
In ariv lheur pou imper relations publik
Donc Vendredi to lance ene nuvo pik
Cont ban malad ki servi tou antibiotik
Alor ki to mem to parcours toxik
Ek to ban actions tou sauf angelik.
Lindi to prend ban airs mistik
To denonce dan Maurice tous ban…
CHETAN RAMCHURN